هو يعني هتفرق أوي لو جروب (خالد سعيد) طلع فشنك؟؟ أو إن القاعدة هي اللي في ميدان التحرير؟؟؟
هتفرق يعني لو فيه فعلا أجندات إيرانية حمساوية سلفية أمريكية إسرائيلية أوروبية إخوانية لضرب استقرار مصر؟؟
هتفرق يعني مين اللي خرب و نهب؟؟؟
بالنسبالي مش هتفرق فيما يخص وجوب التغيير!!!!
مش هتفرق لأني لما اتظاهرت كنت بعبر عن قناعتي الشخصية البحتة... و وجود من يحاولون الانقضاض على الثورة شيء طبيعي جدا
أنا على فكرة ما كنتش مشترك في صفحة خالد سعيد قبل المظاهرات, و مش كل حاجة بسمعها بصدقها الحمد لله.... لكن اللي شفته بعيني و اللي أفهمه بمخي يخليني مستفَز جدا من المطبلاتية و بيزيد عندي القناعة بإن النظام مش عاوز يفهم....
ما سمعوناش لما كل واحد قال رأيه و قالوا آراء فردية
اتكونت مجموعات و حركات على مدار 6 سنوات... قالوا قلة مندسة
الآلاف نزلت.... قالوا مابيعبروش عن جموع الشعب
بقينا 10 مليون في الشارع... و برضه يقول لك أجندات خارجية
فليكن!!
أجندات أجندات... دا لا يغير أي شيء بالنسبالي
أيوة مش المتظاهرين اللي حرقوا الاقسام و العربيات.. و دا لا يغير شيء بخصوص قناعتي الشخصية بضرورة رحيل النظام
أيوة فيه اللي دخلوا على الخط و دا طبيعي في أي حركة شعبية... و ازدياد الاضطرابات بسبب عِند النظام.. أما الشباب اللي في الشارع مالهمش أي ذنب
أيوة فيه ناس بتحاول تنط على أكتاف الثورة... و دا برضه لا يغير من الأمر شيء لأن الفيصل بيني و بينهم هو صندوق الاقتراع إن شاء الله
أيوة فليكن أي حد عميل دا لا يغير أبدا من قناعتي بالتغيير... و مكابرة النظام هي اللي بتغذي الاتجاهات دي مش حد تاني
النوت دي ممكن تكون مكتوبة بسرعة شوية بس هو دا اللي عاوز أقوله
و أخيرا: ربنا يحفظ مصر و يهدينا جميعا للصواب... أمين
هتفرق يعني لو فيه فعلا أجندات إيرانية حمساوية سلفية أمريكية إسرائيلية أوروبية إخوانية لضرب استقرار مصر؟؟
هتفرق يعني مين اللي خرب و نهب؟؟؟
بالنسبالي مش هتفرق فيما يخص وجوب التغيير!!!!
مش هتفرق لأني لما اتظاهرت كنت بعبر عن قناعتي الشخصية البحتة... و وجود من يحاولون الانقضاض على الثورة شيء طبيعي جدا
أنا على فكرة ما كنتش مشترك في صفحة خالد سعيد قبل المظاهرات, و مش كل حاجة بسمعها بصدقها الحمد لله.... لكن اللي شفته بعيني و اللي أفهمه بمخي يخليني مستفَز جدا من المطبلاتية و بيزيد عندي القناعة بإن النظام مش عاوز يفهم....
ما سمعوناش لما كل واحد قال رأيه و قالوا آراء فردية
اتكونت مجموعات و حركات على مدار 6 سنوات... قالوا قلة مندسة
الآلاف نزلت.... قالوا مابيعبروش عن جموع الشعب
بقينا 10 مليون في الشارع... و برضه يقول لك أجندات خارجية
فليكن!!
أجندات أجندات... دا لا يغير أي شيء بالنسبالي
أيوة مش المتظاهرين اللي حرقوا الاقسام و العربيات.. و دا لا يغير شيء بخصوص قناعتي الشخصية بضرورة رحيل النظام
أيوة فيه اللي دخلوا على الخط و دا طبيعي في أي حركة شعبية... و ازدياد الاضطرابات بسبب عِند النظام.. أما الشباب اللي في الشارع مالهمش أي ذنب
أيوة فيه ناس بتحاول تنط على أكتاف الثورة... و دا برضه لا يغير من الأمر شيء لأن الفيصل بيني و بينهم هو صندوق الاقتراع إن شاء الله
أيوة فليكن أي حد عميل دا لا يغير أبدا من قناعتي بالتغيير... و مكابرة النظام هي اللي بتغذي الاتجاهات دي مش حد تاني
النوت دي ممكن تكون مكتوبة بسرعة شوية بس هو دا اللي عاوز أقوله
و أخيرا: ربنا يحفظ مصر و يهدينا جميعا للصواب... أمين
ليست هناك تعليقات:
إرسال تعليق