ما أظنش إن الكلام عن الزكاة ممكن يتلخص بس في جملة (الزكاة علاقة بين العبد و ربه)؛ زي ما فيه أكتر من واحد استخدم التعبير دا... الزكاة هي (حق) الفقير في مال الغني.. بمعنى أبسط؛ هي مال الفقراء و ربنا وضعه في يد الأغنياء لحكمة.. و على الأغنياء تأدية الأمانة للفقراء.
الحق دا مكفول في الإسلام بشكل مش موجود في ميثاق حقوق الإنسان... مش المفروض إني أهمله لحد ما الغرب يبقى ياخد باله و يضيفه و أبقى آخده منه بعد كدة... دي إنعدام ثقة في الذات.
مناسبة الكلام:
أكتر من مناقشة كنت شفتها على فترات متباعدة... لما كان يظهر كلام أو اقتراح بإنشاء هيئة مثلا لتجميع الزكاة أو إنشاء بيت مال مثلا كنت تلاقي إللي يرفض الفكرة على طول و يرمي كلام من نوعية تخلف و رجعية و... و... إلخ
طب ناقش يا عم... مش يمكن نطلع من المناقشة بحل لمصيبة إنعدام العدالة الإجتماعية؟... ولا هو لأ و خلاص؟ :) :)
