الأحد، 26 يوليو 2009

عمرو خالد


* فلاش ياك 6 سنين لورا:
عمرو خالد في التليفزيون بيتكلم, حواليه شباب, و قدام الشاشة شباب, و في الشارع شباب......

*النهاردة:
-جمعية كذا لتنمية المجتمع.
-جمعية شباب من أجل كذا للنهضة.

-اسرة كذا بكلية كذا.
-مشروع تجميع كذا لعلاج المرضى الفقراء.


*فلاش باك 6 سنين
.
.
*لا يا عم خلينا في النهاردة

.
.
*تعالى بس فلاش باك:
محمد و محمود و أحمد و حامد.......
شباب صغير قاعد قدام (اقرأ) كل يوم ثلاثاء بالليل....

محمد: انا ليا حلم...

محمود: أنا ليا حلم...
أحمد و حامد و معاهم جرجس: احنا لينا حلم....
(مش عارف ليه دايما بيكون اسمه جرجس:) )

*فلاش باك 5 سنين من دلوقت:
محمد و محمود و احمد و حامد و جرجس بيفكروا مع بعض

*4 سنين:

محمد و محمود و أحمد و جرجس بيفكروا مع بعض,
حامد راح يجري ورا حلمه....

*3سنين:
محمد و محمود و جرجس,
أحمد ورا حلمه.....

*النهاردة:
كل واحد ورا حلمه, و الغريبة انهم لسة صحاب, لسة لما بيتعبوا بيجروا يخرجوا مع بعض, يحكوا و يهزروا و يتناقشوا, يختلفوا و يتفقوا, ينصحوا بعض, و في قمة السعادة يفترقواو كل واحد يجري ورا حلمه.....
.
.
محمد و محمود و احمد و حامد و جرجس النهار
دة مش زي ما كانوا من 6 سنين.
.
شباب مصر النهاردة مش زي من 6 سنين.
.
بنات مصر النهاردة مش زي من 6 سنين.

.
مصر النهاردة مش زي من 6 سنين.....
****

و بعد كل دا؛
بأي منطق يتهاجم واحد كل اللي عمله انه أقنع شباب إن بلدهم ليها حق عليهم

إنهم مايبخلوش بتفوقهم عليها


انهز يتحدوا أي صعب ايا كان....

مش مهم بعد كدة إذا كان لابس بدلة ولا قفطان...
مش مهم إذا كان شيخ ولا داعية ولا حتى مدرب تنمية بشرية...
مش مهم إذا كان زار الدانمارك ولا زار أولياء الله الص
الحين (زي ما غيره للاسف بيعمل)
حتى مش مهم هو قاعد فين دلوقت....

المهم إن:

النهاردة احسن من امبارح, و بكرة احسن من النهاردة

فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ ۚ كَذَٰلِكَ يَضْرِبُ اللَّهُ الْأَمْثَالَ ﴿١٧﴾
جزء من الآية 17 من سورة الرعد


19/7/2009