الجمعة، 4 نوفمبر 2011

صلاة العيد.... تاني مرة... داحنا هنشوف أيام!!!


كل سنة و انتم طيبيبن و عيد أضحى سعيد
الكلام دا كنت كتبته بعد عيد الفطر اللي فات و نفسي مارجعش أكتبه تاني بعد عيد الأضحى كمان
-----------------------------------------------------------------------------------------------------------------
كان شيء مش لطيف - أو ممكن تقول إنه كان شيء سخيف أو زي ما انت عاوز- إن المسلمين يتفرقوا في صلاة العيد بين الساحات لمجرد إن كل جماعة عاوزة تنظم صلاة العيد بمعرفتها... و ماكانش شيء لطيف إني أروح الساحة امبارح ما ألاقيش ناس كتير علشان الناس راحوا دوران السيوف.. نصهم بيصلي عند الدعوة السلفية و النص التاني بيصلي عند الإخوان.
هي مش الفكرة من صلاة الجمعة و صلاة العيد إن المسلمين يتجمعوا كلهم مع بعض على اختلاف تفكيرهم و انتماءاتهم!!
هو دا ما يعتبرش نوع من (التحزب المذموم) إللي البعض بيتكلم عنه!!
ما هو طول ما احنا بنصلي الجمعة في الزوايا و بنتفرق على صلاة عيدنا (إللي هو عيدنا إللي
بنقضيه مع بعض و بنتآلف فيه مع بعض).... يبقى ماحدش بقى يكلمني عن صحوة إسلامية
--------------------------------------------------------------------------------------------------------------
دي كانت جزء من تدوينة أنهيتها بجملة:
داحنا هنشوف أيام!!!!!!