لجل زيارة لاعتماد
قلنا ندوّر في البلاد
نبعت ليهم سندباد
يرجع لينا بالعتاد
**
جه بنظام جامد و متين
هيخلّي الطالب تنّين
جينا نطبّق.. هوب اتنين
قالوا: "نظام فاشل يا ولاد"ـ
**
كان عندنا مبنى التشريح
بقى باركنج واسع و مريح
أنا راجل واضح و صريح
ضد الظلم و الإفساد
**
عم محمد كان أنتيمي
كشك جميل تحت الأكاديمي
كان فيه مراية و قسم حريمي
شالوا الكشك و حطوا رخام
**
مبنى الميري دا مبنى قدير
ماعرٍفشي معني التطوير
نزلوا في الواجهة تكسير
و احنا بنينا "الدوريات"ـ
**
بقَى كلية طب مصون
مفيهاش ولا عنبر مضمون؟!!ـ
حد يقول: "بس يا مجنون"ـ
حد يقوللي دي ضلالات
**
و العيان لو جَيّ سعيد
يتعكنن من "عبده عبيد"ـ
ما هو شاري عنبر بعبيد
أما العدل فطق و مات
**
انت هناك على أد فلوسك
لو عاوز حقك هندوسك
خبّي آلامك جوة ف كوزك
و انزل ع الظالم دعوات
**
انت بتتعلم.. مجاني
و انت بتتعالج.. مجاني
اخرس ياض يابن الـ..مجاني
انتوا عبيد و احنا الأسياد
تمت
احمد ثروت
29/6/2011
ليست هناك تعليقات:
إرسال تعليق