قرآن كريم

يا بحر أوعى ترد لما اكلمك!!!

يا بحر أوعى ترد لما أكلمك
انا جيت أسمع لهمسك..
مش أسمع كلمتك!!!

شمسك في حضنك تنام
و في قلبي تنام أحلام
قمرك في العتمة يلالي
شمعة في قلب الظلام

و الشمس تاني تعود
حلمي الجميل موجود
موجك أنا يا بحر
و معاه باصول و أجول
يكسرني أول صخر
ارجع أصول على طول
يكسرني تاني الصخر
و أخاف من المجهول
و أجيلك شايل كفن
ألقى الفرج بيقول:
"طالما عايش عايش...
فالجبن مش معقول!!"

أرمي الهموم في البحر
و ارجع ألاغي الصخر
أكيد الشمس ماشية
و لكل حلم أفول
و اكيد البحر واسع
و الصخر ما له حلول
لكن مع كل فجر
أمل ما بين الطلول
بيقول لي اسعي لحلمك
في الصخر انحت و صول


يا بحر اوعى ترد لما اكلمك
دا زعيقي ليك من غلبي..
مش يعني باشتمك!!!

------------

أحمد ثروت
1/3/2009